R.
BAMBANG NURSINGGIH
Covid-19 Nyebar Sambang
Covid-19 asale saka Wuhan, wilayah Cina
minangka
ambah-ambah ngambra-ambra gumagah mider buwana, gawe wisuna
Covid-19
senajan angel disuwawa, aja ngewak-ewakna
Ayo sumitra,
eka praya ngupiya cara amrih Covid-19 sirna
Uningana Kaki
Nini mami. Virus Korona sumrambah jagat.
Tan sembrana
ngemonahe. Amrih lestari tulus. Juru usada eka kapti.
Pambirate toh
nyawa. Klamun luyu lampus. Marma manut pamrayoga. Kinen resikan tan wae-was
nyepi panti. Temah warga raharja.
Ngger, Kaki
Nini, kala ngadhepi virus Korona aja mamang
aja sembrana
kang pranawa, jalaran tan kasat mata, alias tan bisa disawang
Ewa dene
dheweke kuwagang nyebar sambang,
gawe tiwase
wong sapirang-pirang
Ya jalaran tan
kasat mata, Covid-19 angel disuwawa,
mula aja
sembrana, krodhane aja ginawe ampang
Lamun wis kebajur katrajang, aja kebimbang
sabar, tawekal,
aja sumelang melang-melang,
lan ora
mbangkang dhawuhe pradana kang wenang
Patik tan
kendhat sesanti. Ing ngarsaning Gusti Allah.
Niyat eklas tan
groboh. Mrih Covid-19 onya. Satemah gawe raharja. Indonesia gya makmur. Rahayu
krana Pangeran.
Kang tatag,
njaga kawarasan, aja lirwa sembayang,
ndedonga
nggadhang aksama myang kang gawe gesang
Dimen ora
keplantrang, kepara enggal antuk pepadhang
Minomartani,
21 Maret 2020.
R. Bambang Nursinggih, lahir di Madiun (Jawa
Timur) 10 Februari 1952. Pensiuan PNS ini masih terlihat energik menggerakkan
dunia seni-budaya lewat wadah yang dipimpinnya yaitu Lembaga Kebudayaan Jawa “Sekar
Pangawikan”. Ia juga dikenal sebagai koreografer, penari, pendongeng,
penggurit, penyiar radio dll. Tahun 2005 ia menerima hadiah Sastra Yasayo
(Yayasan Sastrawan Yogya) dan tahun 2017 menerima penghargaan dari Balai Bahasa
DIY kategori Tokoh Penggerak Bahasa dan Sastra Jawa. Ia tinggal di jln Gurameh
Perum Minomartani Ngaglik Sleman dan dapat disapa melalui FB: R. Bambang
Nursinggih, WA: 0822-7333-7487 dan email: skrpangawikan@gmail.com
*** ----- ***
YAYUK WAHYUDI
Dudu Kenya Sulistya
Kutha
gara apepalang pring
Mlebu metu
ora garing
Wong padha
ora kuwagang kabeh kuwatir
Para
punggawa padha kuwowogen
Campuh karo
korona
Sing pada
buwara
Nlangsa ora
bisa ketemu keluwarga
Kabeh padha
bureng
Byah byur
Bantala
kebak kuwandha merga andaga
Panasing
andakara kaenteni
Kabeh
anenggah korona anempuh
Manungsa
sing padha angawula bandha
melu kedher
ora bisa endha
Nadyan duwe
ancas arep ngeplas klintong-klintong
Saiki dadi
klonthang klanthung
Korona.......
Dudu kenya
sulisya
Nanging
keduga gawe kesruhing ati
Ora usah
padha kamitenggengen
Karana
kudhung korona
Pindha
kuwaka
Manungsa
kudu eling aja kelantur
Kudu lingsem
Menawa lali
ing ngaluhur.
Girimulyo, Juni 20
Yayuk Wahyudi, adalah nama pena dari Sri Rahayu Yustina
S.IP., MA. Lahir di Purworejo 27 Desember
1963. Disela-sela ketugasan sebagai PNS di Dinas Perpustakaan
dan Kearsipan Kabupaten Kulonprogo masih meluangkan waktu bergiat di Komunitas
Sastra-Ku dan Forum Sastra-Teater Kabupaten Kulonprogo. Karyanya masuk di
sejumlah buku antologi, diantaranya: Weling
Sinangling (Antologi Geguritan Dinas Kebudayaan DIY, 2018) dan Tilik Wewisik (Antologi Geguritan Dinas
Kebudayaan DIY, 2019). Pernah terlibat dalam tim penulisan sejumlah buku di
Dinas Kebudayaan Kulonprogo. Tinggal di Girimulyo Kulonprogo.
*** ----- ***
TRIAS
TUTI HIDAYANTI
Kahanan
Ngrasakake
kahanan tansaya ra karuhan
Pangangen angen
lan kasunyatan amung tansah sliringan
Neng ati lan
uga neng badan
Kalamun tan
dilambari kanthi iman
Satemah bakal
bisa dadi edan
Menika kula,
menawi
panjenengan?
Galur,
Juni 2020
Trias Tuti Hidayanti, lahir di
Cilacap 40 tahun yang lalu. Tumbuh dan besar di Galur Kulonprogo, kecintaanya pada
sastra seiring kegemarannya membaca buku
koleksi perpustakaan sekolah maupun dari majalah yang dibeli dengan menyisihkan
uang jajannya. Kini kecintaanya pada dunia sastra diasah kembali dengan gabung
di komunitas Sastra-Ku meski aktivitas kesehariannya bukan di dunia tulis
menulis. Puisinya masuk di buku Kluwung
Lukisan Maha Cahaya (Antologi Puisi dan Prosa komunitas Sastra-Ku, 2020).
Tidak ada komentar:
Posting Komentar