SUGIYARTI
Donya Iki Pait
Dina-dina
lumaku tanpa caya
Putih pucet
bruwet pendelenganing mata
Peteng ndhedhet
pangrasaning nala
Sumarah
sumendhe Hyang Widhiwasa
Lumebu panti wus
tanpa ati
Nyawang
raga tanpa daya
Kang kacetha
balung binuntel walulang
Sambat ngarih-
arih ngaru ara
Lelakon kang
kudu tinampa
Wit cilik lara lapa, kacingkrangan lan ngrekasa
Kembang Dere
mekar esuk alum sore
Tan pantara
lama
Kumudu ngambah
jumantara
Lumebeng alam
kadewasan
Horeging kridha
tanpa kasekten nadyan sajuga
Pirang puluh
taun nyawa iki setya ngancani raga
Njungkir
njempalik luru upa
Suprandene kang
den luru tansah jethungan ngiwi-iwi
Saiki wus sayah
nglari
Mongso borong
Rasa pangrasa
tansah anggraita
Pepesthene
Hyang Widhi cinipta dadi
Titah sawantah
anampi pesthi
Amung pinuwunan
kang mawantu
Titiwanci sukma lumepas raga
Adhem ayem lana
ing marga
Tumujweng kalanggengan bagya mulya
Madya ratri,
2022
*pinuwunan kagem simbok, sawanci-wanci
tinimbalan sowan, mugi husnul khotimah, aamiin
Sugiyarti, kesehariannya mengajar di SMP Negeri 2 Lendah. Hobi pada seni dan
sastra. Tinggal di Brosot Galur Kulonprogo.
NYAI
BARDAL DERSANALA
Ora Ana Pengarep-Arep
Punthuk
Jatireges
Wus pruthul ora
beres
Nggelar
pengangen angen
Miyak grumbul
sundhul wiyati
Sapa Sing Isih
kena dak percaya
Kalamun Yektine
Samirana Wus salin Slaga
Blenjani ing
Ubaya
Janjine mayungi
kanthi nggawa wangi kembang melathi
Jebul nyidrani
janji
Sapa sing isih
bisa dak percaya
Yen nyatane
Tirta tlaga Wus salin Rupa.
Padhange
Rembulan wus singidan ing burine arga
Katutup mega
klawu kang gawe wuru
Gawe ati kebak
tatu....
Bardal Dersanala, nama pena dari Bardal, S.Pd.Jas. Kesehariannya mengajar sebagai Guru
Olahraga Kesehatan. Pendidikan
terakhirnya S1. VIK UNY jurusan PJKR. Aktif sebagai pelestari budaya, penulis
naskah drama/kethoprak, penyanyi, sinden, dhalang ruwat, dll. Buku yang pernah ditulis yaitu Oncek oncek Pala Kependhem (Sejarah
Dusun Cekelan, Sejarah Ki Sodewa). Karyanya dimuat di buku Weling Sinangling (Disbud DIY 2018) dan Tilik Wewisik (Disbud DIY 2019). Tinggal di Perum GBA No B.50 Dayakan Pengasih Kulonprogo.
Tidak ada komentar:
Posting Komentar