ARDINI
PANGASTUTI
Aku Kudu Jujur Apa Anane
Dumadakan aku
kelangan ukara
Kanggo nerusake
nulis gurit sapala
Gurit endah,
tembang bungah
Crita urip sing
kebak guyu renyah
Swara panyenges
ing njero atiku
Mbuyarake
angen-angenku
Marang
kaendahan, marang katentreman
Sing
jan-jane semu
Aku mung nyoba
mlayu
Saka kanyatan
sing ngremukake rempelu
Sengaja aku
ethok-ethok ora krungu
Marang swara
tangis ngaru-ara
ing antarane
pisambat, pisuhan lan donga
Ah, geneya
panandhang teka matumpa-tumpa
Pageblug durung
sirna
Lindhu, banjir,
longsor, gunung njeblug, nyusul nyela-nyela
Durung kalebu
ama tikus sing ganase kagila-gila
( tikus mawa
dhasi, dudu tikus pithi)
Kanyatan kuwi
sing coba daklali
Aku nylimur
Golek panglipur
Nentremake
pikiran sing kuwur liwat gurit-gurit endah
Saderma
ngeyem-yemi manah
Ah, jebule
Nuraniku ora
narimakake
Bisike semu
ngece : aku kudu jujur apa anane
Kahanan pancen
lagi kaya mangkene
Bencana kang
matumpa-tumpa
Satuhune mung
srana, pepeling tumrap manungsa
Murih eling
marang Kang Maha Kuwasa
Urip ora mung
saderma ngoyak bandha
Nanging iya
kudu melu memayu hayuning bawana
Murih larasing
swasana, mangkono atiku kandha kanthi sora!
Bangunjiwo, 2
-Februari 2021
Ardini Pangastuti, lahir di Tulungagung 1960. Redaktur di: Jawa Anyar (1993-1996), Djaka Lodhang (2009-2013), Pagagan (1991-sekarang), Sempulur (2017-sekarang). Memperoleh hadian Rancage tahun 2016 untuk novelnya Alun Samudro Rasa. Tulisannya, baik dalam bahasa Jawa maupun Indonesia dimuat di media cetak. Bukunya berupa novel (Bumerang, Nalika Prau Gonjing, dan Alun Samudro Rasa), kumpulan cerkak (Nalika Srengenge Durung Angslup dan Pralambang), kumpulan geguritan (Kidung jaman dan Lintang ing Langit Wengi). Cerita bersambungnya yang pernah dimuat Langit Perak ing Dhuwur Nusa Dua (Djaka Lodhang, 1990), Anggaraini (Mekar Sari, 1990), Garising Papesthen (Mekar Sari, 1997) Tinggal di Bantul DIY.
***----------***
WIJAYA HERU SANTOSA
Gadhang Jambe Gadhang Sonthe
Gadhang jambe mentiung mrana-mrene
Ndoyong sak karepe dhewe
Beda karo gadhang senthe
Tansah anteng esok sore
Saben ndina disorot srengenge
Thukul tumengka gedhe
Malah kanggo tamba jimpe
Kabeh pengin tepung kowe
Supaya bisa sare
Dikum nganggo banyu gege
Diunjuk esok sore
Kanggo nyambung yuswane
Ngenteni angslupe srengenge
Kutoarjo, 1 November 2016
Dr. H. Wijaya Heru Santosa M.Pd, adalah dosen Pendidikan Bahasa dan Sastra di FKIP
Universitas Sarjanawiyata Tamansiswa Yogyakarta. Banyak menulis sastra
Jawa. Tinggal di Senepo Timur RT 2 RW 1 Kutoarjo Jawa Tengah 54212
***----------***
SRI WIJAYATI
Telung Perkara Lelakone Manungsa
Telung perkara
kang dilakoni nalikane urip
Bayi lahir
cenger tangise ditampa kanthi lega
Diopeni saben
dina mundhak gedhe nganti diwasa
Tekan wektune
palakrama wektu kang kebak crita
Kembang-
kembang tresna saya ngrembaka
Urip anyar ing
sajerone mbangun bale wisma
Mbangun tresna
lelakon pacoban ana-ana wae
Bungah susah
dilakoni nganti sadawane wektu
Tekan wektune
tuwa, kahanan dadi beda
Pating jredhul
lelakon werna- werna kudu ditampa
Lelara lunga
teka diupayakke golek tamba
Semonoa kudu
eling marang Gusti kang Maha Kuwasa
Saka ngendi
asale urip iki kudu eling marang pati
Gedhe cilik
enom tuwa tekane ora kanyana-nyana
Tekan pesthine
bakal bali sowan marang Gusti
Becik tata-tata,
sodaqoh, ngibadah manembah
Bantul, 08
Januari 2021
Sri Wijayati, lahir di Bantul, 15
September 1960, pensiunan Guru SD sejak 1 Oktober 2020. Aktif di Grup Paramarta
Kadang Sastra Jawa Bantul. Buku geguritan yang telah terbit antara lain:”Taman Kembang Sore” (2018), “Taman Kembang Asri” ( 2019), “Kembang-kembang Katresnan“(2019). ‘Kembang Setaman” (2020). Karyanya baik
dalam bahasa Jawa maupun Indonesia juga masuk di puluhan buku antologi bersama.
Tinggal di Kretek lor, Jambidan, Banguntapan, Bantul, D.I.Yogyakarta.
***----------***
SITI DWI
SUGIHARTI
R a t r i
Nunggu dawaning ratri
ngarep-arep wahyuning Gusti
mugo tansah sabar lan nrimo
saka kahanan kang ndadekke gelo lan
kuciwo
Ijen dudu mergo wedi kesandung
marang watu-watu lancip sing tanpa
dunung
apa meneh wedi wayah ratri
akeh candik ala kang nebar janji
kudu tetep nora ndadekke semplah
opo meneh susah
amarga kabeh wus ginaris
lan katulis ing kitabing Gusti
menungso wajib biso milah lan milih
ngrungokke bisikanne manah sami
Saking
Sabar Nrimo.Bantul.Yogyakarta.06.11.’19.20.48
Jakarta,
0310202
Siti Dwi Sugiharti,
S.Pd, MM,
lahir di Bantul, 30 Agustus 1975, saat ini mengajar di SD
Ciren UPT PP Kecamatan Pandak Bantul. Dapat
dihubungi lewat surel: sitidwi80@gmail.com Perempuan yang telah mempunyai pengalaman
mengajar selama 21 tahun ini Cagunan, Trimurti, Srandakan,
Bantul, Yogyakarta.
***----------***
Tidak ada komentar:
Posting Komentar