MARJUDIN SUAEB
Mengko Bengi
Ananing raga diragadi
Ananing sukma
diseksamani
Ananing roh
suci disuceni
Ananing nyawa
dijarwani
Takonana nyawa
tut raga apa raga tut nyawa.
Genea dina
kawuri
Tininggal bosok
kinempit siti
Apa tenan nyawa
Aku sejati
bakal pertanggungan maring Gusti
Hmm dak kira
urip sejati kagungane rembulan lan srengenge
Kocapa saben
angslup sore tata lambang gilir gumantining ngagesang
Wak awak sewu
mumpung kita ikhtiyar setiari
Kanggo urip
sejati
"mengko
bengi"
Yk, 2021
Marjudin Suaeb, penyair senior Kulonprogo, alumni UNY (IKIP) Yogyakarta. Sempat berproses bersama para penyair Malioboro Yogya di sejak 1978-an. Menulis puisi dan geguritan. Buku puisi tunggalnya Teka-Teki Abadi (2021). Kini membina komunitas Sastra-Ku. Tinggal di Bumirejo Lendah Kulonprogo.
D’ EROS
SUDARJONO
Kembang Kembeng
Mung suwara angin
nyela
godhong-godhong ringin
tanpa donga
tanpa talqin
kabeh kapendhem
njero batin
jiwa-jiwa
kingkin
Ing papan kene
rasa seseg
ampeg wis ora kaduwe
kamar sakit lan
tangki hawa mung crita lungse
umeg rejane
ndonya dadi alam seje
kagawa angslup
srengenge
mecak dina
miwiti lelakon anyar
langgeng
ginelar
Lilakna
senajan lunga
tanpa kairing kulawarga
aja padha
kendhat ndedonga
tentrem lan
katampa tumuju suwarga
jer kabeh titah
mung saderma
ora bakal bisa
selak lamun wis tekan titimangsa
Kembang-kembang
kembeng
pathok-pathok
meneng
raga-raga
anteng
Jombang,
26 Juli 2021
D' Eros Sudarjono, lahir di Jombang
1970. Jebolan Fak. Bahasa & Sastra Inggris, selain menulis gurit dan puisi
juga melukis (sketsa). Sejumlah karyanya dalam bahasa Jawa dan Indonesia telah
dimuat di puluhan buku antologi bersama. Tinggal di Jombang Jawa Timur.
***----------***
SARDONO SYARIEF
Makarya
Kanca!
Mangga
senaosa gigir geseng
Kebakar
bagaskara
Sampun
ngantos kita nggresula makarya
Sedaya
kagem ngupados
Sekedhik
upa, bandha, saha dunya
Saking
pandume ingkang maha kuwasa...
Paninggaran-Pekalongan, 2021
Sardono Syarief, lahir
di Sragi Pekalongan, Jawa Tengah. Selain mengajar di SD Negeri 01 Domiyang Kecamatan
Paninggaran Kabupaten Pekalongan, ia juga sering menulis prosa dan puisi di
sejumlah media cetak lokal dan nasional. Bagi yang berminat mengenal lebih jauh
bisa menghubungi nomor : 0852 2625 2146
utau email: esdeensyarief583@gmail.com
***----------***
ERNA DWI ASTUTI
Dhalang
Lakumu kanthi lakon
Bebed surjan keris lan blangkon
Lungguh sila lumaksana tapa
Ngrakit basa nganggit carita
Sanepaning jalma marcapada
Sumunaring cahya blencong
Ngegla katon manthorong
Njantur pinangka pitutur
Suluk kebak piwulang wuruk
Dhalang....
Datan gingsir owahe jaman
Krenteg ati memetri kabudayan
Senajan sliramu lumebet bawana
Asmamu lestari arum ngrembaka
Banjarsari, 2021
Erna Dwi Astuti, seorang
ibu rumah tangga yang menyenangi dunia tulis-menulis. Tulisannya, terutama geguritan telah dimuat di sejumlah media. Tinggal di Banjarsari
Samigaluh Kulonprogo.
KEMAT
MARTOIRONO
Gurit
Awan
Nalika panas
Hawane sumuk
Pengin sik seger
Dudu omben-omben dudu buah-buahan
Nanging kang bisa nyegerake awak lan pikiran
Dudu sembarang pangan lan minuman
Nanging bisa nuwuhake daya sakabehing wiji kang tumiba ing
bantala
Bisa dadi panguripaning sakabehing manungsa
Sato kewan kang kumethip
Dudu kaya komunis kang kejem nyebar pati mring sasama..
Lamun satriya
Ambyur segara tan
culika
Mburu iwak kang tanpa alat
Mburu ngilmu tanpa sangu
Hamung sucining ati kang den udi
Lair tumusing batin
Uga tanpa melik kang ndhelik ing atining manungsa.
30 Sept 2021
Kemat Martoirono, jebolan IAIN
Sunan Kalijaga Yogyakarta. Pelaku dan pegiat seni-budaya. Tulisannya
tersiar di beberapa media dan buku antologi bersama, diantaranya: Kluwung Lukisan Maha Cahaya (komunitas
Sastra-Ku, 2020) dan Duhkita
(komunitas Sastra-Ku, 2021). Tinggal di Lendah Kulonprogo.
***----------***
Tidak ada komentar:
Posting Komentar