IKA ZARDY
SALIHA
Kembang Garing
Arummu wis musna kabuncang mangsa
wernamu wis
ilang kagarang angin
mekarmu wis
alum karengkuh dina
nanging,
sliramu tetep kembang
Kembangku kang
randhat dak temokake
nalika crita
wis kebacut dawa
nalika gurit
wurung kaanggit
Kembangku
kembang ati
kang tan
winates blegering wujud
bakal dak regem
permati
senadyan mangsa
bakal gumanti
Pengasih, 17 Oktober 2020
Ika Zardy
Saliha, nama pena dari Barokhatussolehah,
seorang pendidik di Kementrian Agama. Pernah memenangkan sejumlah lomba menulis
maupun guru berprestasi. Karya-karya antara lain dapat ditemui di buku antologi
Sastra Jawa terbitan Dinas Kebudayaan DIY. Tinggal di Pengasih Kulonprogo.
***----------***
D’ EROS
SUDARJONO
Nampa Ganjaran
Teka sawayah-wayah
nrajang
jalma titah tanpa kapilah
ndonya
tansaya lungkrah
apa
pakarti manungsa sing banget ora kaprah
sapa
sing salah?
Dudu
kenthong titir gawe kuwatir
bendhe
tengara sukma bali marang gustine
nanging
sasat saben wektu
rodha
rikat sajak kesusu
jerit
ambulan turut ndalan ninggal tatu
nganti
kapendhem esem guyu
Minangka
ganjaran
lila
legawa nampa kanyatan
murih
tentrem bebrayan
tansah
manut marang pranatan
kenceng
gondhelan ing paugeran
tumeka
pungkasan
Aja
sumelang
sabar
tawakal bisa aweh pepadhang
krekah
krenah bebaya ilang
nyenyuwun
barokah sang hyang wenang
24 Juli 2021
D' Eros Sudarjono, lahir di Jombang 1970. Jebolan Fak. Bahasa & Sastra Inggris, selain menulis gurit dan puisi juga melukis (sketsa). Sejumlah karyanya dalam bahasa Jawa dan Indonesia telah dimuat di puluhan buku antologi bersama. Tinggal di Jombang Jawa Timur.
***----------***
SARONO SYARIEF
Wengi Ahad
Wengi ahad tiniba ing ngarep omah
Ati ayem bungah sumringah
Bakda magrib mengko
Aku arep ketemu karo kenya ayu wong loro
Ana joglo ngisor wit mlinjo
Wengi ahad udan ora terang-terang
Ati sansaya sumelang
Janji ketemu bakal kapiran
Acara wong loronan
Dadi bubar ambyar
Ora sida nggelar tikar
Ngrasakke enake iwak bakar
Wengi ahad listrik mati
Nambah petenge jagad
Dhuh biyung, marang sapa aku bisa sambat?
Ngaji
Ayo padha ngaji, nyai
Ngeja aksara alif ba tsa jim
Nimbal alif laam miiim...
Wejang saka sing maha paring
Urip iku kudu tansah eling
Ora kena lali
Maring ngendi kita kabeh iki bakal bakal bali?
Ayo padha ngaji, nyai
Mumpung nyawa isih ana ing sakjeroning raga
Aja ditundha-tundha!
Paninggaran-Pekalongan, 27.12.2020
Sardono Syarief, lahir di Sragi Pekalongan, Jawa Tengah. Selain mengajar di SD Negeri 01 Domiyang Kecamatan Paninggaran Kabupaten Pekalongan, ia juga sering menulis prosa dan puisi di sejumlah media cetak lokal dan nasional. Bagi yang berminat mengenal lebih jauh bisa menghubungi nomor : 0852 2625 2146 utau email: esdeensyarief583@gmail.com
***----------***
NYAI
BARDAL DERSANALA
Yuswa
Tuwa
Mecaki dina mungkasi warsa Ora krasa
yuswa mundhak tuwa
Ananging tuwa iku nugraha paringane
kang maha kuwasa
Istingarah muga tansah diparingi rahayu widada
ora kurang sawiji apa
Rasa pangrasa dipantha-pantha
Endi sing becik endi sing ala
Dadi panglimbaning rasa
Sing apik diupakara sing ala ayo
dibuwang adoh kana
Supaya
aja dadi memala
Panyuwunku dadya tuwa uripa kang tetep
piguna
Aja tuwa tuwas gawe pituna
Muga tansah pinaringan ayem tentrem
bagas waras bagya mulya
Kalisa ing sambikala
Tinebihna saking rubeda.
Sapinggiring kali 28-12-2019
Nyai Bardal Dersanala, nama pena dari
Bardal S.Pd., Jas, kesehariannya mengajar di sebuah sekolah negeri di
Kulonprogo. Pengiat seni-budaya. Sejumlah karyanya dimuat buku antologi sastra
Jawa terbitan Dinas Kebudayaan DIY muapun buku antologi prosa-puisi terbitan
Komunitas Sastra-Ku. Tinggal di Pengasih Kulonprogo.
***----------***
Tidak ada komentar:
Posting Komentar