Geguritan
BANJIR BANDHANG
-
Dening Ki Soegiyono MS
Nuswantara
jroning mapag taun anyar 2020
Tinengeran
kanthi pengaji-aji mirunggan
Uga
minangka kadho
Jakarta
katrajang banjir
Mobil
motor padha kintir
Pating
klebet gendera panalangsa
Kabeh
kandha kejigung tirta
Ana
pralampita sinelip
Tumrap
para manggala lan nayaka praja
Banyu
tansah mili, tumuju papan kang cendhek
Iku
sijining pasemon
Supaya
para manggala lan nayaka praja
Tansah
nengenake lan migatekake
Panyuwun
lan panjerite
Para
kawula
Papa
sudra
Wisma
Bodho, Januari 2020
*** ----- ***
UDAN
-
Dening Ki Soegiyono MS
Dak
pecah kaca cendhela nganggo panyawangku
Ing
jaba katon ana padasan séwu
Mancur
bareng saka gendhèng
Iku
saweneh saka anasir patang prekara
Banyu,Geni,
Bumi Angin
Pangamuking
banyu, kedadeyan banjir bandhang
Pangamuking
geni, kana –kene kedadeyan kobongan
Pangauking
bumi akeh lemah longsor, lan horeging lindhu
Pangamujing
angin akeh papan
Rebah
balasah yayah babatan pacing
Kayu seprangkul, rong prangkul rubuh katalasak
prahara
Angin
puting beliung.
Wisma Bodho, Januari 2020
*** ----- ***
JAMAN
-
Dening
Latifah Jahro
Rong
puluh taun kepungkur
Tanduran
ijo royo-royo katon subur
Nalika
aku ndherekke kaki niniku tandur
Nyawang
manuk kuntul baris padha mabur
Sesawangan
kaya mangkono gawe reseping ati
Rasa
kesel lan kepanasen oleh ganti
Yen
wayah bedhug ngaso ing ngisor jati
Sinambi
ngrungokake tembang Kinanthi
Dene
saiki
Kabeh
malih dadi tanduran wesi
Wit-witan
wis padha mati
Sato
kewan padha ngungsi
Angin
kang semilir malih dadi lebu
Gawe
seseging dadaku
Jarene
jaman tambah maju
Nanging
rasa tentrem tansah kaganggu
Kokap, 2019
*** ----- ***
Tidak ada komentar:
Posting Komentar